" အလွမ်းတန်ဆောင်တိုင် "

ဝတ်မှုန်အချင်းချင်း ထိခိုက်ကျကွဲသံကြောင့်
ဂုဏ်သရေရှိ နံနက်ခင်းဟာ
ပန်းကလေးတွေ ရနံ့ မပြယ်ရအောင်
သူ့ ဥပဓိရုပ်နဲ့  လူကြီးလူကောင်းဆန်စေခဲ့ တယ် . . . . .

ခေတ်အဆက်ဆက်က ရှေးကျတဲ့ 
အဖြူရောင် ပါးလွှလွှ ကဗ္ဗလာခင်းတစ်အုပ်
ငါ့ ပြတင်းပေါက်နားက ခပ်ရွရွလေး အုပ်ဖွဲ့  ဖြတ်ပျံသွားကြတယ် . . . . .

ပြက္ခဒိန်ဟာ သွေးအေး သတ္တ၀ါတစ်ကောင်လို
တိတ်ဆိတ်ငြိမ်သက်ရင်း ငါ့ကိုစိုက်ကြည့်နေတယ် . . . . .

ထမင်းရည်ပူစီးမှာ ခေါင်သူကြီးမဖြစ်ခဲ့ပေမဲ့ 
ဌက်ပျောဖတ်နုနု နဲ့  ဗြောသံကဗျာကြားတိုင်း
ဗောဓိရွှေကျောင်းက " ကထိန် " ပုံရိပ်တွေမြင်ယောင်ရင်း
ကုန်လွန်ခဲ့ တဲ့  ရာစုနှစ်က နေ့ ရက်များကို
အလွမ်းတယောထိုးနေမိတယ် . . . . .

ဒါဟာ . . . သီအိုရီအရ
ကောင်းကင်မှာ ပန်းမပွင့်တော့တာမို့ 
လွမ်းကောင်း လွမ်းနေပါလိမ့်မယ် . . . . .

နတ်ဝှက်ခံရမှုကြောင့် မယ်ဇလီဖူးလေးတွေဟာ
ကြေးစားမဆန်တဲ့  လပြည့်ညရောင်အောက်မှာ
ပိန်းကြာရွက်ပေါ်ကရေလို ဆေးပေါင်းခပြီး တောက်ပနေကြပါလိမ့်မယ် . . . . .

ဒါပေမဲ့ ပေါ့လေ . . .
အမိမြေရင်ခွင်ခြားက ဆောင်းခိုဌက်တစ်ကောင်ရဲ့ 
အိပ်ရာဝင် ပုံပြင်အတွက်ကတော့
စည်း ၀ါး ကျချင်မှ ကျပါလိမ့်မယ် . . . . .

တစ်နေ့ နေ့ မှာပေါ့ . . .
ပြန်ရှာမရနိုင်တဲ့  အတိတ်မှာ
အရောင်မပြယ်တဲ့  ဘ၀ပန်းချီကားတစ်ချပ်ကိုဆက်ဆွဲရင်း
ဒီလို . . . တန်ဆောင်တိုင် ညမျိုးတော့ပြန်လိုချင်ပါသေးတယ် . . . . .